പ്രളയം - നാൾവഴി
-
മേയ് 16
2018
തെക്കുപടിഞ്ഞാറന്‍ മണ്‍സൂണ്‍ പ്രവചനങ്ങളുടെ അറിയിപ്പ് കിട്ടിയതിന്‍റെ അടിസ്ഥാനത്തില്‍ റവന്യൂ,ദുരന്തനിവാരണവകുപ്പ് അഡീ.ചീഫ് സെക്രട്ടറിയുടെ (സംസ്ഥാന റിലീഫ് കമ്മീഷണര്‍) അധ്യക്ഷതയില്‍ തിരുവനന്തപുരത്ത് യോഗം വിളിച്ചുചേര്‍ത്തു.
-
മേയ് 29
2018
കേരളത്തിലെ മണ്‍സൂണ്‍ മഴ തുടരുമെന്ന് ഇന്ത്യന്‍ കാലാവസ്ഥാ വകുപ്പ് (ഐ.എം.ഡി) പ്രഖ്യാപിച്ചു
-
ജൂണ് 2
2018
രാജ്യത്തിന്‍റെ ചരിത്രത്തില്‍ ആദ്യമായി തീരദേശ മേഖലയില്‍ ജീവിക്കുന്ന ദുരന്തബാധിതരായവര്‍ക്ക് പുനരധിവാസ പദ്ധതി പ്രഖ്യാപിച്ചു. (2/06/2018 ലെ ജിഒ (എംഎസ്) നം. 6/2018/ഡി.എം.ഡി.) കടല്‍ക്ഷോഭംമൂലം വീടുകളും മറ്റ് ജീവനോപാധികളും നഷ്ടമായ തീരപ്രദേശങ്ങളിലെ കുടുംബങ്ങള്‍ക്ക് സഹായം എത്തിക്കുന്നതാണ് പദ്ധതി.
-
ജൂണ് 7
2018
ജൂണ് ഏഴ് മുതല്‍ 11 വരെ മണ്ണിടിച്ചിലും വെള്ളപ്പൊക്കവും ഉണ്ടാകാന്‍ സാധ്യതയുള്ളതായി ദുരന്തനിവാരണ അതോറിറ്റിയുടെ ഔദ്യോഗിക ഫെയ്സ്ബുക്ക് പേജിലൂടെയും മുതിര്‍ന്ന ഐ.എ.എസ്, ഐ.പി.എസ് ഓഫീസര്‍മാര്‍, സെന്‍ട്രല്‍ ആംഡ് ഫോഴ്സസ്, ജില്ലാ എമര്‍ജന്‍സി ഓപ്പറേഷന്‍ സെന്‍ററുകള്‍, മന്ത്രിമാരുടെ പ്രൈവറ്റ് സെക്രട്ടറിമാര്‍ തുടങ്ങിയവരുടെയും ഔദ്യോഗിക ഫേസ്ബുക്ക് പേജുകളിലൂടെയും അച്ചടി, ഓഡിയോ, ദൃശ്യമാധ്യമങ്ങളിലൂടെയും പൊതു അറിയിപ്പുകള്‍ വിതരണം ചെയ്തു. അതോറിറ്റിയുടെ വാട്ട്സ്ആപ്പ് ഗ്രൂപ്പുകളിലൂടെയും ഈ അറിയിപ്പ് പ്രചരിപ്പിച്ചു.
-
ജൂണ് 9,10
2018
കനത്ത മഴയ്ക്ക് സാധ്യതയുള്ള മുന്നറിയിപ്പും മത്സ്യബന്ധനത്തിന് പോകുന്നവര്‍ക്കുള്ള മുന്നറിയിപ്പും കൃത്യമായ ഇടവേളകളില്‍ ഫെയ്സ്ബുക്ക്, വാട്സ് ആപ്പ് എന്നിവയിലൂടെയും അച്ചടി, ശ്രാവ്യ, ദൃശ്യമാധ്യമങ്ങളിലൂടെയും നല്‍കി.
-
ജൂണ് 11
2018
മുഖ്യമന്ത്രിയുടെ അധ്യക്ഷതയില്‍ സംസ്ഥാന ദുരന്തനിവാരണ അതോറിറ്റി യോഗം ചേര്‍ന്ന് മുന്നൊരുക്കങ്ങള്‍ വിലയിരുത്തി. ദുരന്തത്തിന്‍റെ തീവ്രത കുറയ്ക്കാന്‍ സഹായകമായ നടപടികള്‍ സ്വീകരിക്കാന്‍ തീരുമാനിച്ചു.
-
ജൂണ് 14
2018
കോഴിക്കോട് കട്ടിപ്പാറയില്‍ മണ്ണിടിച്ചില്‍ - 14 പേര്‍ മരിച്ചു.
-
ജൂണ് 15
2018
മുഖ്യമന്ത്രിയുടെ അധ്യക്ഷതയില്‍ സംസ്ഥാന ദുരന്ത നിവാരണ അതോി യോഗം ചേരുകയും മുന്‍കരുതലുകള്‍ വിലയിരുത്തുകയും ചെയ്തു. ജില്ലാ കളക്ടര്‍മാര്‍ വീഡിയോ കോണ്‍ഫറന്‍സിലൂടെ യോഗത്തില്‍ പങ്കെടുത്തു. ജില്ലകളില്‍ ദുരന്തനിവാരണത്തിനുള്ള വിവിധ നടപടികളുമായി ബന്ധപ്പെട്ട നിര്‍ണായക തീരുമാനങ്ങള്‍ കൈക്കൊണ്ടു. .
-
ജൂണ് 21
2018
സംസ്ഥാനത്തുടനീളം വീടുകള്‍ക്ക് കേടുപാടുകള്‍ സംഭവിച്ചവര്‍ക്കുള്ള കുറഞ്ഞ ദുരിതാശ്വാസ സഹായത്തിനുള്ള മാര്‍ഗനിര്‍ദേശങ്ങള്‍ സര്‍ക്കാര്‍ പ്രഖ്യാപിച്ചു. അവ താഴെക്കൊടുക്കുന്നു:
-
ജൂലൈ 16
2018
വീഡിയോ കോണ്‍ഫറന്‍സ് മുഖേന ജില്ലാ കളക്ടര്‍മാരുടെ യോഗം മുഖ്യമന്ത്രി വിളിച്ചുകൂട്ടുകയും ദുരന്തത്തെ യുദ്ധകാലാടിസ്ഥാനത്തിലുള്ള നേരിടാന്‍ എല്ലാ ശ്രമങ്ങളും നടത്താന്‍ നിര്‍ദേശിക്കുകയും ചെയ്തു.
-
ജൂലൈ 18
2018
ജൂലൈ 20 മുതല്‍ 22 വരെ അതിശക്തമായ മഴയ്ക്ക് സാധ്യതയുള്ളതായ മുന്നറിയിപ്പ്
-
ജൂലൈ 19
2018
ക്യാമ്പുകളില്‍ കഴിയുന്ന ദുരിതബാധിതര്‍ക്ക് 1000 രൂപയുടെ സഹായധനം നേരിട്ട് നല്‍കാന്‍ ഉത്തരവായി.
-
ജൂലൈ 21
2018
കേന്ദ്ര ആഭ്യന്തര സഹമന്ത്രിയും കേന്ദ്ര ടൂറിസം സഹമന്ത്രിയും വെള്ളപ്പൊക്ക ദുരന്തബാധിത പ്രദേശങ്ങള്‍ സന്ദര്‍ശിച്ചു. ദേശീയ ദുരന്തനിവാരണ ഫണ്ട് മാനദണ്ഡ പ്രകാരം പ്രാരംഭ മെമ്മോറാണ്ടം കേന്ദ്ര ആഭ്യന്തര മന്ത്രാലയത്തിന് കൈമാറി.
-
ജൂലൈ 22
2018
ജൂണ് 26വരെ അതിശക്തമായ മഴയ്ക്ക് സാധ്യതയുള്ളതായ മുന്നറിയിപ്പ് നല്‍കി. സംസ്ഥാന ദുരിതാശ്വാസ കമ്മീഷണര്‍ ആലപ്പുഴ ജില്ല സന്ദര്‍ശിക്കുകയും ദുരിതാശ്വാസ പ്രവര്‍ത്തനങ്ങള്‍ മേല്‍നോട്ടം വഹിക്കുകയും ചെയ്തു.
-
ജൂലൈ 23
2018
വെള്ളപ്പൊക്ക ദുരിതമനുഭവിക്കുന്ന ആലപ്പുഴ, കോട്ടയം ജില്ലകളിലെ പ്രദേശങ്ങളില്‍ ദുരിതാശ്വാസ, രക്ഷാപ്രവര്‍ത്തനങ്ങള്‍ക്കായി എന്‍ഡിആര്‍എഫ്, ഇന്ത്യന്‍ നേവി ടീമുകള്‍ വിന്യസിക്കപ്പെട്ടു.
-
ജൂലൈ 26
2018
കത്തിലൂടെ കാലാവസ്ഥ പ്രവചനവും ബന്ധപ്പെട്ട രേഖകളും ദിവസേന ലഭ്യമാക്കാന്‍ കൊച്ചിന്‍ ശാസ്ത്രസാങ്കേതിക സര്‍വകലാശാലയുടെ റഡാര്‍ സെന്‍ററിനോട് നിര്‍ദ്ദേശിച്ചു.
-
ജൂലൈ 27
2018
ഇടുക്കി ഡാമിലെ ജലനിരപ്പ് മുഖ്യമന്ത്രി അവലോകനം ചെയ്യുകയും വിവിധ വകുപ്പുകള്‍ക്ക് കൃത്യമായ നിര്‍ദേശം നല്‍കുകയും ചെയ്തു.
-
ജൂലൈ 28
2018
ഇടുക്കി റിസര്‍വോയറിലുള്ള ചെറുതോണി അണക്കെട്ടിന്‍റെ ഷട്ടര്‍ തുറക്കേണ്ടിവന്നാല്‍ വെള്ളപ്പൊക്കം ഉണ്ടാകാന്‍ സാധ്യതയുള്ള പ്രദേശങ്ങളുടെ സാറ്റലൈറ്റ് ഇമേജുകള്‍ ഇടുക്കി, തൃശൂര്‍, എറണാകുളം എമര്‍ജന്‍്സി ഓപറേഷന്‍സ് സെന്‍ററുകള്‍ക്ക് ജൂലൈ 28ന് നല്‍കി. 2013 ലെ വെള്ളപ്പൊക്കത്തെ അടിസ്ഥാനമാക്കി വേഗത്തില്‍ നടത്തിയ വിലയിരുത്തലിന്‍റെ അടിസ്ഥാനത്തിലായിരുന്നു ഈ നടപടി.
-
ജൂലൈ 29
2018
ജൂലൈ 29 മുതല്‍ ആഗസ്റ്റ് ഒന്ന് വരെ ശക്തമായ മഴയ്ക്കും മണ്ണിടിച്ചിലിനും സാധ്യതയുള്ളതായ മുന്നറിയിപ്പ്.
-
ജൂലൈ 30
2018
മുന്‍കൂട്ടി നിശ്ചയിച്ച വെള്ളപ്പൊക്ക ദുരന്തനിവാരണ പ്രവര്‍ത്തനങ്ങള്‍ നടത്തുന്നതിന് ഇടുക്കി, എറണാകുളം ജില്ലാ എമര്‍ജന്‍സി ഓപറേഷന്‍ സെന്‍ററുകള്‍ക്ക് പ്രത്യേക പ്രവര്‍ത്തന പദ്ധതികളും ചെക്ക്ലിസ്റ്റുകളും നല്‍കി.
-
ജൂലൈ 31
2018
ആലപ്പുഴ ജില്ലയിലെ കുട്ടനാട്ടില്‍ തകര്‍ന്ന ബണ്ടുകളുടെ പുനരുദ്ധാരണ പ്രവര്‍ത്തനങ്ങള്‍ ആരംഭിച്ചു ആലപ്പുഴ-ചങ്ങനാശേരി റോഡില്‍ എട്ട് വലിയ പമ്പുകള്‍ ഉപയോഗിച്ച് വെള്ളം വറ്റിക്കുകയും ഇതുവഴിയുള്ള ഗതാഗതം പുനസ്ഥാപിക്കുകയും ചെയ്തു.
-
ആഗസ്റ്റ് 3
2018
റവന്യൂ, ദുരന്ത നിവാരണവകുപ്പ് മന്ത്രി ആലപ്പുഴ ജില്ലയിലെ പ്രളയ ബാധിത പ്രദേശങ്ങള്‍ സന്ദര്‍ശിച്ച് ദുരിതാശ്വാസ പ്രവര്‍ത്തനങ്ങള്‍ അവലോകനം ചെയ്തു.
-
ആഗസ്റ്റ് 5
2018
ആലപ്പുഴ ജില്ലയിലെ ദുരിതാശ്വാസ പ്രവര്‍ത്തനങ്ങള്‍ മുഖ്യമന്ത്രി അവലോകനം ചെയ്യുകയും ആലപ്പുഴ മെഡിക്കല്‍ കോളേജ് ക്യാമ്പസില്‍ വിളിച്ചുചേര്‍ത്ത യോഗത്തില്‍ കൂടുതല്‍ ഫലപ്രദമായ ദുരിതാശ്വാസ നടപടികള്‍ കൈകൊള്ളാന്‍ വിവിധ വകുപ്പുകള്‍ക്ക് നിര്‍ദേശം നല്‍കുകയും ചെയ്തു
-
ആഗസ്റ്റ് 7
2018
പ്രളയക്കെടുതി വിലയിരുത്താനായി വിവിധ വകുപ്പുകളിലെ ഉദ്യോഗസ്ഥര്‍ അടങ്ങിയ കേന്ദ്രസംഘത്തിന്‍റെ സന്ദര്‍ശനം ആരംഭിച്ചു. ആഗസ്റ്റ് 11 വരെ സംഘത്തിന്‍റെ സന്ദര്‍ശനം നീണ്ടുനിന്നു.
-
ആഗസ്റ്റ് 8
2018
പകോഴിക്കോട്, കണ്ണൂര്‍, വയനാട്, പാലക്കാട്, ഇടുക്കി, മലപ്പുറം എന്നിവിടങ്ങളിലും പ്രളയം. വയനാട്, കോഴിക്കോട്, മലപ്പുറം ജില്ലകളില്‍ ചില മേഖലകളില്‍ വ്യാപകമായ ഉരുള്‍ പൊട്ടലും വെളള പൊക്കവും ഉണ്ടായി. എറണാകുളത്ത് ആലുവാ ഭാഗത്ത് പെരിയാറിലെ ജലനിരപ്പ് ഉയര്‍ന്നു.
-
ആഗസ്റ്റ് 9
2018
മണ്ണിടിച്ചിലിന്‍റെ ആദ്യറിപ്പോര്‍ട്ട് വയനാട് നിന്നും പുലര്‍ച്ചെ രണ്ടിന് പ്രതിസന്ധി ലെവല്‍ മൂന്നിലേക്ക് കടന്നതായി സംസ്ഥാന എമര്‍ജന്‍സി ഓപറേഷന്‍സ് സെന്‍റര്‍ വിജ്ഞാപനം. തുടര്‍ന്ന് ദേശീയ സേനകളുടെ സഹായം ആവശ്യപ്പെട്ടു.
-
ആഗസ്റ്റ് 10
2018
എന്‍ഡിആര്‍എഫിന്‍റെ രണ്ടുവീതം ടീമുകളെ കൊച്ചിയിലേക്കും തൃശൂരിലേക്കും അയക്കാന്‍ അഭ്യര്‍ഥിച്ചു. പ്രളയസാധ്യതകളുടെ സാറ്റലൈറ്റ് ചിത്രങ്ങള്‍ എടുക്കാനും തുടര്‍ച്ചയായി അതിന്‍റെ ഭൂപടം ലഭ്യമാക്കാനും നാഷണല്‍ റിമോട്ട് സെന്‍സിങ് സെന്‍ററിനോട് ആവശ്യപ്പെട്ടു.
-
ആഗസ്റ്റ് 11
2018
മുഖ്യമന്ത്രിയും റവന്യൂമന്ത്രിയും ഹെലികോപ്റ്ററില്‍ ഇടുക്കി, വയനാട്, കോഴിക്കോട്, എറണാകുളം എന്നിവിടങ്ങളിലെ ദുരിതബാധിതപ്രദേശങ്ങള്‍ സന്ദര്‍ശിച്ചു. ഇടുക്കിയില്‍ കാലവസ്ഥ മോശമായിരുന്നതുകാരണം ഹെലികോപ്റ്റര്‍ ഇറക്കാന്‍ സാധിക്കാത്തതുകാരണം വ്യോമനിരീക്ഷണം ആണ് നടത്തിയത്. ഉച്ചയ്ക്ക് 2.30 ന് എറണാകുളത്ത് മുഖ്യമന്ത്രിയും റവന്യൂ മന്ത്രിയും ആലുവാ, പറവൂര്‍ മേഖലകളിലെ ദുരിതാശ്വാസ ക്യാമ്പുകള്‍ സന്ദര്‍ശിച്ചു. ആലുവ പ്രിയദര്‍ശിനി ഹാളില്‍ മുഖ്യമന്ത്രിയുടെ അധ്യക്ഷതയില്‍ അവലോകനയോഗം കൂടി. എം.പി മാരും എം.എല്‍.എ മാരും യോഗത്തില്‍ പങ്കെടുത്തു.
-
ആഗസ്റ്റ് 12
2018
സംസ്ഥാനത്തിന്‍റെ പ്രളയ ദുരിതാശ്വാസ പ്രവര്‍ത്തനങ്ങള്‍ അവലോകനം ചെയ്യാന്‍ കേന്ദ്ര ആഭ്യന്തരമന്ത്രി സംസ്ഥാനം സന്ദര്‍ശിച്ചു.
-
ആഗസ്റ്റ് 13
2018
ഇടുക്കിയിലും വയനാടും റെഡ് അലര്‍ട്ടും ആലപ്പുഴയിലും എറണാകുളത്തും ഓറഞ്ച് അലര്‍ട്ടും പത്തനംതിട്ട, കോട്ടയം, തൃശൂര്‍, പാലക്കാട്, മലപ്പുറം, കോഴിക്കോട്, കണ്ണൂര്‍, കാസര്‍കോട് ജില്ലകളില്‍ യെല്ലോ അലെര്‍ട്ടും തിരുവനന്തപുരത്തും കൊല്ലത്തും ഗ്രീന്‍ അലെര്‍ട്ടും പ്രഖ്യാപിച്ചു.
-
ആഗസ്റ്റ് 14
2018
മുഖ്യമന്ത്രി സ്ഥിതിഗതികള്‍ വിലയിരുത്തി ദുരിതാശ്വാസ, രക്ഷാ പ്രവര്‍ത്തനങ്ങളില്‍ മുഴുകിയ വകുപ്പുകള്‍ക്കും സേനകള്‍ക്കും ആവശ്യമായ നിര്‍ദേശങ്ങള്‍ നല്‍കി.
-
ആഗസ്റ്റ് 15
2018
മുഖ്യമന്ത്രി സ്ഥിതിഗതികള്‍ വിലയിരുത്തി ദുരിതാശ്വാസ, രക്ഷാ പ്രവര്‍ത്തനങ്ങളില്‍ മുഴുകിയ വകുപ്പുകള്‍ക്കും സേനകള്‍ക്കും ആവശ്യമായ നിര്‍ദേശങ്ങള്‍ നല്‍കി.
-
ആഗസ്റ്റ് 16
2018
ദുരിതാശ്വാസ പ്രവര്‍ത്തനങ്ങള്‍ക്ക് വിശദമായ നിര്‍ദേശങ്ങള്‍ നല്‍കി. സമയബന്ധിതമായ ആശ്വാസ നടപടികളുടെ മേല്‍നോട്ടത്തിനായി ഒരു മന്ത്രിസഭാ ഉപസമിതി രൂപീകരിച്ചു. ഓണം ആഘോഷങ്ങള്‍ ഒഴിവാക്കി.
-
ആഗസ്റ്റ് 17
2018
മുഖ്യമന്ത്രി സ്ഥിതിഗതികള്‍ രാവിലെയും വൈകിട്ടും വിലയിരുത്തി, ദുരിതാശ്വാസ, രക്ഷാ പ്രവര്‍ത്തനങ്ങളില്‍ മുഴുകിയ വകുപ്പുകള്‍ക്കും സേനകള്‍ക്കും ആവശ്യമായ നിര്‍ദേശങ്ങള്‍ നല്‍കി..
-
ആഗസ്റ്റ് 18
2018
മുഖ്യമന്ത്രി സ്ഥിതിഗതികള്‍ ഇടയ്ക്കിടെ അവലോകനം ചെയ്ത് ദുരിതാശ്വാസ, രക്ഷാ പ്രവര്‍ത്തനങ്ങളില്‍ മുഴുകിയ വകുപ്പുകള്‍ക്കും സേനകള്‍ക്കും ആവശ്യമായ നിര്‍ദേശങ്ങള്‍ നല്‍കി..
-
ആഗസ്റ്റ് 19
2018
തിരുവനന്തപുരം അന്തര്‍ദേശീയ വിമാനത്താവളത്തിലും തിരുവനന്തപുരം, തൃശൂര്‍, ആലപ്പുഴ, എറണാകുളം ജില്ലകളിലെ കേന്ദ്രങ്ങളിലും എത്തിയ ദുരിതാശ്വാസ സാമഗ്രികളുടെ ശേഖരണത്തിനും വിതരണത്തിനും മേല്‍നോട്ടം വഹിക്കാന്‍ ഐഎഎസ് ഓഫീസര്‍മാരെ നിയോഗിച്ചു. ഡെപ്യൂട്ടി കളക്ടര്‍ (തെരഞ്ഞെടുപ്പ്) മാരെ ജില്ലാതലത്തില്‍ നോഡല്‍ ഓഫീസര്‍മാരായി നിയമിച്ചു.
-
ആഗസ്റ്റ് 20
2018
പ്രളയബാധിതമായ ഗ്രാമപ്രദേശങ്ങള്‍ക്ക് 25,000 രൂപയും മുനിസിപ്പാലിറ്റി/കോര്‍പറേഷന്‍ വാര്‍ഡുകളില്‍ 50,000 രൂപയും വീതം ശുചീകരണ പ്രവര്‍ത്തനങ്ങള്‍ക്കായി അനുവദിച്ചു.
-
ആഗസ്റ്റ് 21
2018
മുഖ്യമന്ത്രി സ്ഥിതിഗതികള്‍ അവലോകനം ചെയ്യുകയും ദുരിതാശ്വാസ, രക്ഷാ പ്രവര്‍ത്തനങ്ങളില്‍ മുഴുകിയ വകുപ്പുകള്‍ക്കും സേനകള്‍ക്കും കൃത്യമായ നിര്‍ദേശങ്ങള്‍ നല്‍കുകയും ചെയ്തു. ദുരിതാശ്വാസ ക്യാമ്പുകളുടെ സുഗമമായ പ്രവര്‍ത്തനം ഉറപ്പുവരുത്തുന്നതിന് വിശദ നിര്‍ദേശം നല്‍കി.
-
ആഗസ്റ്റ് 22
2018
ക്യാമ്പുകളില്‍ നിന്ന് അവരുടെ വീട്ടിലേക്ക് മടങ്ങിപ്പോകുന്ന കുടുംബങ്ങള്‍ക്ക് അവശ്യ വസ്തുക്കളുടെ കിറ്റുകള്‍ നല്‍കി.
-
ആഗസ്റ്റ് 23
2018
മുഖ്യമന്ത്രി ചെങ്ങന്നൂര്‍, ചാലക്കുടി എന്നീ സ്ഥലങ്ങളില്‍ സന്ദര്‍ശനം നടത്തി. മുഖ്യമന്ത്രി സ്ഥിതിഗതികള്‍ അവലോകനം ചെയ്യുകയും ദുരിതാശ്വാസ, രക്ഷാ പ്രവര്‍ത്തനങ്ങളില്‍ മുഴുകിയ വകുപ്പുകള്‍ക്കും സേനകള്‍ക്കും കൃത്യമായ നിര്‍ദേശങ്ങള്‍ നല്‍കുകയും ചെയ്തു.
-
ആഗസ്റ്റ് 24
2018
മുഖ്യമന്ത്രി സ്ഥിതിഗതികള്‍ അവലോകനം ചെയ്ത്, ദുരിതാശ്വാസ, രക്ഷാപ്രവര്‍ത്തനങ്ങളില്‍ മുഴുകിയ വകുപ്പുകള്‍ക്കും സേനകള്‍ക്കും കൃത്യമായ നിര്‍ദേശങ്ങള്‍ നല്‍കി. മുഖ്യമന്ത്രിയുടെ ദുരിതാശ്വാസനിധിയില്‍നിന്നും 242.47 കോടിരൂപ ചെലവഴിച്ച് വെള്ളപ്പൊക്കത്തില്‍ നാശനഷ്ടങ്ങളുണ്ടായ കുടുംബങ്ങള്‍ക്ക് വിതരണംചെയ്തു.
-
ആഗസ്റ്റ് 26
2018
മുഖ്യമന്ത്രി സ്ഥിതിഗതികള്‍ അവലോകനം ചെയ്ത് ദുരിതാശ്വാസ, രക്ഷാ പ്രവര്‍ത്തനങ്ങളില്‍ മുഴുകിയ വകുപ്പുകള്‍ക്കും സേനകള്‍ക്കും കൃത്യമായ നിര്‍ദേശങ്ങള്‍ നല്‍കി. പ്രളയത്താലോ രക്ഷാപ്രവര്‍ത്തനങ്ങള്‍ക്കിടയിലോ കേടുപാടുപറ്റിയ ബോട്ടുകള്‍ മാനദണ്ഡങ്ങള്‍ക്ക് അനുസൃതമായി അറ്റകുറ്റപണി നടത്താന്‍ ജില്ലാ കളക്ടര്‍മാരെ ചുമതലപ്പെടുത്തി.
-
ആഗസ്റ്റ് 28
2018
മുഖ്യമന്ത്രി സ്ഥിതിഗതികള്‍ അവലോകനം ചെയ്ത് ദുരിതാശ്വാസ, രക്ഷാ പ്രവര്‍ത്തനങ്ങളില്‍ മുഴുകിയ വകുപ്പുകള്‍ക്കും സേനകള്‍ക്കും കൃത്യമായ നിര്‍ദേശങ്ങള്‍ നല്‍കി. സംസ്ഥാന ഡിസാസ്റ്റര്‍ റെസ്പോണ്‍സ് ഫണ്ടില്‍നിന്നും പിഡബ്ല്യുഡി റോഡുകളുടെയും പാലങ്ങളുടെയും അറ്റകുറ്റപ്പണിക്കും പുനര്‍നിര്‍മിതിക്കുമായി അധികഫണ്ട് അനുവദിച്ചു.
-
ആഗസ്റ്റ് 29
2018
പ്രളയബാധിത റവന്യൂ വില്ലേജുകളുടെ പട്ടിക തയാറാക്കി.
-
ആഗസ്റ്റ് 30
2018
തദ്ദേശസ്ഥാപനങ്ങള്‍ക്ക് കീഴില്‍വരുന്ന പബ്ലിക് ഹെല്‍ത്ത് സെന്‍ററുകളുടെയും കമ്യൂണിറ്റി ഹെല്‍ത്ത് സെന്‍ററുകളുടെയും അറ്റകുറ്റപ്പണിക്കും പുനര്‍നിര്‍മിതിക്കുമായി ഫണ്ട് ലഭ്യമാക്കി. കൊല്ലം, ആലപ്പുഴ, പാലക്കാട്, മലപ്പുറം, കോഴിക്കോട് ജില്ലകള്‍ക്ക് സിഎംഡിആര്‍എഫില്‍നിന്നും ഫണ്ട് അനുവദിച്ചു.
-
ആഗസ്റ്റ് 31
2018
വിദേശത്തുനിന്നുള്ള ദുരിതാശ്വാസ സാമഗ്രികള്‍ ഏറ്റുവാങ്ങുന്നത് സംബന്ധിച്ച് കളക്ടര്‍മാര്‍ക്ക് വ്യക്തമായ നിര്‍ദേശം നല്‍കി.
-
സെപ്റ്റംബര്‍ 1
2018
മുഖ്യമന്ത്രിയുടെ ദുരിതാശ്വാസ നിധിയിലേക്ക് ധനം സമാഹരിക്കാന്‍ ഓരോ ജില്ലയുയേും ചുമതല മന്ത്രിമാര്‍ക്കും മുതിര്‍ന്ന ഉദ്യോഗസ്ഥര്‍ക്കും നല്‍കി.
-
സെപ്റ്റംബര്‍ 3
2018
വീടുകള്‍ക്ക് ഉണ്ടായ നാശനഷ്ടം സംബന്ധിച്ച് ഡിജിറ്റല്‍ ക്രൗഡ് സോഴ്സ് ടെക്നിക്ക് ഉപയോഗിച്ച് ഡിജിറ്റല്‍ ഡാറ്റ തയ്യാറാക്കാനും ഭൂമിശാസ്ത്രപരമായ വിവരങ്ങളും മാപ്പുകളും ഉപയോഗിച്ച് ശാസ്ത്രീയമായി നഷ്ടത്തിന്‍റെ തോത് വിലയിരുത്താനും തീരുമാനം
-
സെപ്റ്റംബര്‍ 4
2018
ഹൈക്കോടതി ഉത്തരവുകളുടെ അടിസ്ഥാനത്തില്‍ വിദേശത്തുനിന്നും ലഭിച്ച സാമഗ്രികള്‍ സ്വീകരിക്കാന്‍ ഉത്തരവായി.
-
സെപ്റ്റംബര്‍ 5
2018
ജൈവമാലിന്യങ്ങള്‍ ശേഖരിച്ച് മാറ്റുന്നതിന് ക്ലീന്‍ കേരള കമ്പനിക്ക് സംസ്ഥാന ഡിസാസ്റ്റര്‍ റെസ്പോണ്‍സ് ഫണ്ടില്‍നിന്നും തുക അനുവദിച്ചു.
-
സെപ്റ്റംബര്‍ 6
2018
വീടുകളും ഭൂമിയും ഉപയോഗിക്കാന്‍ കഴിയാത്തവിധം നഷ്ടമായ കുടുംബങ്ങളെകണ്ടെത്തി പുനരധിവസിപ്പിക്കുന്നതിനുള്ള മാനദണ്ഡങ്ങള്‍ പുറപ്പെടുവിച്ചു. ഈ കുടുംബങ്ങളെ പുനരധിവസിപ്പിക്കുന്നതിന്, ഒരു കുടുംബത്തിന് മൂന്ന് മുതല്‍ അഞ്ച് സെന്‍റ് ഭൂമിവരെ കണ്ടെത്താന്‍ കളക്ടര്‍മാര്‍ക്ക് നിര്‍ദേശം. ഭൂമിയുടെ ലഭ്യത കുറവാണെങ്കില്‍ ഫ്ളാറ്റ് നിര്‍മിച്ച് ഇവരെ പുനരധിവസിപ്പിക്കണം.
-
സെപ്റ്റംബര്‍ 6
2018
വെള്ളപ്പൊക്കവും മണ്ണിടിച്ചിലും ബാധിച്ച പ്രദേശങ്ങളുടെ ഡിജിറ്റല്‍ മാപ്പിങ് പ്രോട്ടോകോള്‍ പുറപ്പെടുവിച്ചു. സെന്‍ട്രല്‍ വാട്ടര്‍ കമ്മീഷന്‍, ജിയോളജിക്കല്‍ സര്‍വേ ഓഫ് ഇന്ത്യ എന്നിവയുടെ സഹകരണത്തോടെ ജലവിഭവ വികസന മാനേജ്മെന്‍റ്, കേരള ഫോറസ്റ്റ് റിസര്‍ച്ച് ഇന്‍സ്റ്റിറ്റ്യൂട്ട്, സ്കൂള്‍ ഓഫ് എന്‍വയോണ്‍മെന്‍റല്‍ സയന്‍സസ്, എംജി സര്‍വകലാശാല, കേരള സ്റ്റേറ്റ് റിമോട്ട് സെന്‍സിങ് സെന്‍റര്‍ എന്നീ ദേശീയ ഏജന്‍സികള്‍ ഇതില്‍ ഉള്‍പ്പെടുന്നു.
-
സെപ്റ്റംബര്‍ 13
2018
ദേശീയ ദുരന്ത നിവാരണ ഫണ്ടില്‍നിന്നും മാനദണ്ഡങ്ങള്‍ക്ക് വിധേയമായി 4796.35 കോടിരൂപയുടെ അധിക ധനസഹായം മെമ്മോറാണ്ടത്തിലൂടെ ആരാഞ്ഞു.